Ota Lapau

Wayoik Malin, Kabau Sirah Tuw Mancaduak Baliak

Ampia pacah boto karupuak ubi dek Yuang Pasa kapalo arak lapau simpang lai. Liau ka nonton Simin Padang, siaran ilang

Untuang ado Tembang nan gilo malagu-lagu se. Sakali nginyiak mancogok siaran bola Simin Padang di hapenyo. Bagaduru urang sinan, salamik boto karupuak.

“Ko baru sero, den carian juo Tembang ko bini mah,” kecek Malin.
“Apo lawan Simin Padang ko Pasa?” Batanyo bilang.

“Woi tuen bilang alah mandi cako?” Kato Tembang. Galak urang salapau, wee manonton tapi apo lawan main Kabau Sirah ndak jalai deknyo.

“Tuan Bilang bijak bestari, nan gagah, toke dari pasa ka pasa, lawan Simin Padang tu namoe PSS Slemen. Dima Sleman lo den ragi lo mah,” kecek Tembang.

“Yo wakden ndak pangana. Kalau main dima ko? Jakarta?”
“Ya Allah ya Tuhan baa lah sabinga ko nan surang ko yo,” kecek Guru Salek.
Urang bi galak, Bilang galak lo.
“Wee main di Pakan Sinayan.” Pasa manyolo.
“Stadion Pakansari di Bogor. Lah jalai?” Tembang mambulalak.

Main cako tu yo kalah Simin Padang, tapi piti dapek samiliar. Juaro duo samantang pun baitu naiak ka liga satu. Pulang ka rumah.

“Kok naik gai harago simin gak saribu gai ndak baa ko doh, manyumbang untuak bola wak. Provinsi lain ma ado bola. Ko amuah Simin Padang mambiayai, dek sia talok? Dek gubernur gak gak talok ko doh. Bakumpuah bupati sa provinsi ko alun juo talok. Apolai simin- e angek-angek baru kalua dari kuali,”kecek Pasa.

“Yo lo mah, lah banyak nan nyo karajoan dek Simin Padang ko. Ribuan urang awak karajo sinan.” Kato Bilang.

“Duo kosong main. Tu bilo batandiang Simin Padang ko lai?” Batanyo bilang.

“Bilang batanyo juo sakali lai kami dando 5 karuang simin lai.” Kato Pakiah nan jak tadi anok se.

Pacah lapau dek galak.
Salapau tu kini bacurito soal bola Simin Padanh se. Di kampuang ko banyak nan taragak main d klub tu, apolai PSP sadang tapuruak.

“Iko harapan wak ciek nye Pasa. Jago dek Pasa SPFC tu yo, den pai ncah,” kato Bilang sambia malucui se kalua lapau.

“Jadi den jago tapi minim bayia lu. Atau ka didando 5 karuang simin lai?” Ndak tadanga dek Bilang lai. Wee lah jauh.
Sanang kiro-kiro urang lapau sabab Simin Padang lah lolos ka liga 1.

Ampia sajam sasudah tu curito masih tantang bola tu juo lai. Apolai lah ampia sabulan majilih lapau simpang indak bakumpua. Lapai bapelok, bagian mukonyo bagembok rancak. Ba plaster, ba mar-mar bagai. Tu mah karuang simin masih ado juo di suduik lai. Alun takamehan. Makoe ota lapau ilang sabulan ko. Mantunlah sidang pembaca prokabar. Sudah ko ee jan mengecak, bakipeh ota lapau liak (Malin Kapalo Koto)

Baca Juga :

Berani Komen Itu Baik
To Top