Trending | News | Daerah | Covid-19

Ota Lapau

Ula Sendok

Dibaca : 302

“Ula kobra tu, ula sendok yo Pasa?”

“Ma den tau. Gindo ado-ado se nan batanyo.”

“Pasa kan dek sagalo ahli.”
“Wak nan tau, ula aie, ula pucuk, ula manih.”
“Kalau wak ula lalok,” kecek Tembang.

“Kalau awak manggadangan anak ula,” kato Gindo.

“Takana dek den, manga Gindo batanyo soal ula lo?” Pasa penasaran.

“Tembang mimpi digigik ula kaba-e,” kecek Gindo.

“Oh kalau itu, ka babini mah, tapi sia nan nio, karajo mamatiak-matiak gitar sen?” Manyolang Pak Pak iyah.

“Banyak Mak, awak se nan alun nio.”
“Eee Tembang caliak-caliak nan kadiota yo,” kato Pasa.

“Sabananyo Mak, itu jodoh mah, nan kini soal ula sendok lu. Kato berita memang ula sendok tu samo jo kobra, jaek bana, sakali lantak, mati wak dibuek-e,” kata Tembang.

“Nan takuik jo ula apolai rumahe dakek parak, agiah tali ijuak di janjang, ula takuik jo tali ijuak tu, bisa luko badan-e,” kato Tuak Bilang.

“Yo tu mah, sabab kini ado-ado se berita ula sendok ko, nan bedo anak-anak dipantak dek ula,” kato Malin.

“Makoe tali ijuak nye den,” sabuik Bilang.
“Takana dek den ado ndak program pemerintah manangka ula?” Pasa ado-ado se nan nyo tanyo an.

“Adolah, ula lalok tadi mah,” kecek Tembang.
“Ha ha ha ha,” badarai galak Gindo.
“Ado, kan pemadam kebakaran acok turun tangan mah manangkok ula, ketek atau gadang. Itu kan pemerintah awak, jan baburuak sangko bakapanjangan se,” Pasa ma agiah nasihat.

“Cocok. Pas bana Pasa jadi jubir,” kecek Malano.

Nan jalai ula sendok lah jadi ota sebab acok basuo dek urang. Anaknyo se, nan induaknyo jarang. Ula sendok nan bujang sabana jaek, sadang nan lah ba umua agak lambek gerak nyo.

“Mulai bisuak barasian rumah surang-surang, jan sampai jadi sarang sipasan, ula sendok, ula pucuak, ula sagalo ula. Apolai ula lalok, kakanyangan,” kecek Pasa.

Ota ringan di lapau simpang sakali ko soal ula. Ngeri-ngeri sedap kecek Tembang. (Malin Kapalo Koto)

Baca Juga :

Berani Komen Itu Baik
Tirto.ID
Loading...
To Top