“Karek den. Kapeka ko lah mulai rusak urek otreknyo, dilanyaunyo urang sadang baralek di dprd Malang, tingga ampek se lai nan lain pakao rompi oren, bakundo masuak tansi kapeka. Ha ha,” kato Yuang Pasa.
“Yo tinggi antene Pasa ye, “ kecek Bilang.
“Antene Bilang nan patah, jadi kalam se ari, indak tahu a nan tajadi,” kecek Yuang Pasa.
“Kalau anggota dewan Malang lah dicokok kapeka, tu bilo Padang, tuen Pasa?” Tanyo Tembang.
“Tu yo ndak tau den doh, samo-samo wak caliak selah. Kini kapeka sadang ma intai Jambi mah,”kato Pasa.
“Kerek lo den dek Pasa ko, sagalo tahu,” kato Malin.
“Den mambaco prokabar.com, ha ha,” kecek Pasa lo.
“Jan banyak bana pujian ka Pasa, wakden tahu lo mah,” kecek Pakiah.
“Apo nan Pakiah tahu?”
” Nan paratamo, anggota dewan di Malang tu dicokok kapeka karano memeras APBD. Snek-snek piti. Kalau indak, anggaran tak disahkan. Nan kaduo, Malang tu dek malang se tunye, gaya mode tu seluruh Indonesia mah, di sadoalahe dprd Sumatera Barat ko co itu lo mah,” kecek Pakiah.
“Elok-elok ngecek Kiah, beko bakujuik, baru tangga sarawa tu,” kecek Malin.
“Lah rasio umum mah Malin. Ado pokir namoe. Pokok pikiran. Itu ada pitinyo. Misal mamelok jambatan 400 juta, proyek pokir anggota dprd Fulan.”
“Apo salahe Kiah?” Tanyo Bilang.“
Bia den manjawek,” kecek Pasa.
“Tarui Pasa, panek lo den.”
“Anggota dewan tu tugasnyo ndak ma urus proyek doh. Itu urusan pejabat pemerintah. Itu sababnyo ado bupati. Kalau ka diurus lo dek dprd, apuih se jabatan bupati, dah tu latak an kantua PU di bawah sekwan, kan jalai lo,” kecek Pasa.
“Ooooh nya sata-sata pula urus proyek, hayaa, keja orang ia sata pula, tangkap sajalah kapeka ha ha ha,” kato Tembang.
“Jadi bilo kapeka ka Padang?”
“Tunggu selah, badaram mah,” kecek Pasa. **
