Ota Lapau

Kampanyelah Lai, Baju Kaos Jan Lupo

Pasa bilo urang kampanye?”

Kampanye apo? Pil kabe?”

“Presiden?”
“Sabanta lai baa tu?

“Baju kaos dulu lah abis, kok kampanye urang ncak baok baju kaos,” kecek Malano jawek bajawek jo Pasa. Mantunlah pagi cako di lapau simpang, ota jak subuah sampai jalang jam 10 soal kampanye.

“Nyo rami kampanye mah tuen, ndak tim capres se doh,” kato Guru Salek.
“Makin rami tantu tambah rancak, lai bisa takumpua gak salusin baju kaus ko?” Kato Bilang manyolang.

“Lai tapi ado nan biang, tipih ado nan taba, ado jilbab gai mah,” kecek Pasa.

“Tarimo sadoalahe,” tambah Tembang.
“Kok bisa piti gai ndak Pasa?”
“Kok bisa yo andak-e, tapi manga awak mode tu. Sagalo ka mambayia urang ka awak,” kecek Pasa.

“Wee ka duduak, paralu suaro, awak manga?” Kato Malin.
“Itu nan salah, bi badoso sadoalahe mah. Co baliak an, awak harus maagiah suaro, datang urang mamintak, manga lo harus pakai baju kaos jo piti gai?” Kato Pasa.

“Bitu lo modenyo Pasa. Bato, bantuak jupen lo Pasa liak mah,” kato Kuriak Batuang.

“Bukan itu, baa kok awak kutiko kampanye mancaliak calon-calon tu mode meliek asam. Sia ma aja wak mode tu bana sifaik?”

“Yo lo mah bantuak mularaik bana wak,” kecek Pakiah. Manuruik Pakiah, tagah dek awak lah anggota dewan mambuek proyek pokir.

“Awak banyak pintak bana, preman. Main peras se. Mintak iko mintak itu, ndak tahan lai anggota dewan tu. Sia ndak ma agiah ndak dapek suaro. Sabana jua bali. Den jamin berang Tuhan mah, bi bakundo masuak narako suak liek lah,” sabuik Pakiah.

“Tapi den yo paralu baju kaos untuak ka ladang. Uranh tu amuah lo baragiah. Aman se tu nye,” sabuik Malin.

Bitulah, soal kampanye. Sa lapau tu sapakaik kok ado kaos ditarimo nan ka mamintak yo indak doh. **

Baca Juga :

Berani Komen Itu Baik
To Top