Ota Lapau

Handeh, Yuang Pasa Sobok Jo Bupati

Bupati tibo jo tim Ramadhan. Ado 10 oto. Urang kampuang segeh mananti. Yuang pasa tagak di muko dakek pak walinagari. Wee lah sibuk lo mananti.
Saruang bugih lakek di lihia, kupiah itam agak tabanam. Baju guntiang cino. Sabana talen Yuang Pasa sasanjo tu.

Baitu pak pati turun dari oto gagah, urang kampuang mandakek. Basalamilaj pak pati tu. Nan Yuang Pasa si kapalo arak indak katinggalan.

“Yuang Pasa Malin Cayo,” kecek Yuang mamperkenalkan dirinyo. Nan paliang hebat, wee baselpi lo.

Bitulah tadi jalang babuko. Nan kini lah sudah urang taraweh, nan jago-jago kumpua di lapau simpang.

“Kerek den dek tuen Yuang Pasa, ari ko sabana coga. Baselpi lo jo bupati,” kecek Tan Tembang.

“Den lah lamo kenal jo liau,” kecek Pasa.

“A nan lamo den danga tadi, Yuang memperkenalkan diri,” kecek Malano

“Tu lupo-lupo ma ingek an tu mah,” kecek Pasa ma agiah alasan.

” Ancak Pasa ngaku se lai, banyak saksi tadi mah,” tambah Kuriak Batuang.

“Tadi di musajik, sadoalahe bi mandakek ka pak pati, kini aden se nan jadi sasaran,” kecek Pasa lo liak.

Nan disemba Yuang Pasa nak rang tu, Malano, Batuang, Tembang, Pakiah jo nan lain.

“Bantuak bi badunsanak se lai lo. Bagalak-galak bagai. Bantuak nan kenal bana ado lo,padahal bupati dek sagan se tunye,” cek Yuang Pasa.

” Jan sangko Pasa nan dakek jo pak pati. Kami-kami ko dakek lo ko mah. Jadi Pasa yang gadang lubang iduang lu,” kecek Malano.

“Suko atilah nan jalai aden surang nan ba selpi jo pak pati nye. Nan lain caliak-caliak se. Ago ka ago. Indak barani. Makoe baraja ka den surang-surang,” kata Pasa.

“Tuen Yuang Pasa ebat. Malam ko nomor satu. Seng ada lawan,” kecek Tembang.
Nan Tembang badendang-dendang ketek se.

“Sakik talingo den ancak baranti Tembang malagu lai, co parian pacah,” kecek Pasa.

“Ancak tuen Pasa barubek lai. Lai indak dek nengor talingo tu,” jawek Tembang.

“Den ka dokter berkala mah Tembang. Kesehatan tu dijago stek,” kato Pasa.

” Yo Pasa memang santiang. Dek layi mah. Co indak co kami-kami ko,” kato Malano manyanggah.
Mode biaso. Lapau hiruak jo cino karam. Lamo ba jam-jam. Kuok se mararai lai. (Malin Kapalo Koto)

Berani Komen Itu Baik
Tirto.ID
Loading...
To Top