Trending | News | Daerah | Covid-19

Ota Lapau

Bajujuik Barang Tuw

Dibaca : 324

“Wowow nye den. Lah ado calon presiden jo wakie. Jan sensa juo lai. Tingga mamiliah sae lai,” kato Pasa.

“Den pikia lu, gak barek mah,” jawek Malano.

“Indak kini dow, lamo lai,” semba Tembang.

Sia kiro-kiro Tembang nan ancak?”
“Sumbarang”

“Nan ka manang sia? Tanyo Malano

“Nan banyak dapek suaro,” jawek Pasa.

“Karambia mudo, itu lah ka jalai mah.” Bilang tasambua galak-e

“Ko politik mah Bilang, jan galak,” kato Pasa.

“Galak tu hak asasi manusia,” jawek Bilang.

“Dek den nan jalai hak sarawa nye,” kato Pasa.

“Sambalado uwok, hak asasi itu tuw ialah hak awak dijamin undang-undang, tuen Pasa,” kato Tembang.

“Bareh den sia manyamin?” Pasa menembak.

“Soal bareh yo babali jo piti awak surang-surang,” jawek Malano.

” Apo kaitannyo jo pemilu tuw?” Pasa mencukia lo liak.

“Pemilu karateh suaro masuak kotak, kalau bareh diambiak dari sumpik, masuak ka pariuak, jarangan dah tu jadi nasi, makan lai,” jawek Bilang.

“Jo a dibali?” Pasa mambuso.

“Jo pitih nye,” Tembang menyolang lo.

“Piti awak kan? Pancarian awak kan.” Kato Pasa.

“Woi Pasa jan icak-icak bodoh juo, kalau nagari sobe bareh ilang, makan jaguang ba ulek wak lai mode sangkek parang dulu,” kecek Malano.

“Jadi nagari harus aman lai jalai den Tuen Pasa tu?” Bakato Tembang.

“Lai jalai dek den nye, lai ka sagalo murah harago den pemilu ko? “ Batanyo lo Pasa liak.

“Kalau itu yo ndak obeh dek kami doh Pasa. Piliah selah presiden jo wakia nan katuju pakuek se iman, jan kamari menggalewa se ugamo tu Pasa,” kato Bilang.

“Suai den,” jawek Pasa.
Mantunlah ota di lapau simpang sapagi tu. **


Baca Juga :

Berani Komen Itu Baik
To Top