Trending | News | Daerah | Covid-19

Ota Lapau

Urang Awak Marano dek Banjir di Jakarta

Dibaca : 429

Dunsanak awak di Jakarta nan manggaleh yo bana marano dek ulah banjir, tamasuak di kawasan Jabodetabek.

“Ibo den mancaliak,” kata Pasa.
“Kan dek itulah pasa, Jakarta ndak ado tampek barangok lai, apolai tanah lah basimin sadoalahe,” kato Gindo.

“Kawan den di Benhil indak manggaleh, baa ka manggaleh, kadai lah tarandam, jalan tarandam, indak bisa lalu,” kato Malano.
“Labiah 20 ribu nan mangungsi kaba-e mak,” kato Tembang.

Nasrul Abit Indra Catri

“Pokok e kalau pasa nan kanai, tu urang awak mah, ndak sadiah dek Tembang tu,” kato Pasa.

“Yo Mak, sadiah bana, galeh tarandam lo, pokok abih, di sinan air mato jatuah ka kaniang Mak.”
“Kalau banjir-banjir mode ko nan kanai rakyaik ketek banyak mah Pasa, kan bitu ndak? “ Kato Pak iyah.

“Yo Kisah, ko kan dek ulah manusia juo,” kato Pasa.

“Bana, ulah parangai awak, Jakarta alah sampik, indak saleso lai, kamari madok kamari bangunan, laman basimin, dima aie ka lalu,” Kato Tuak Bilang pulo.

“Jak sari den danga lai gilo ma urus banjir Jakarta ko se, indak juo sudah-sudah, lai nyo urus ndak?”

“Kaba e lai Pasa, tapi alun sudah-sudah juo,” jawek Gindo.

“Kadang basitingka gai pejabat samo pejabat den danga,” kato Kuriak.

“Itu nan den camehan mah, inyo batangka, nan nasib urang awak di Jabodetabek indak taurus. Samo-samo wak caliaklah, rayo bisuak sangenek perantau pulangnya,” kato Pasa.

“Tak ti den yo, sabab galeh ko bana nan tandeh, awak di kaki limo, anak galeh lo tu, induak samang barang-e banyak. Kok dikata-kana, yo payah iduik di rantau Pasa, apolai kalau lah kanai banjir mode ko, panik nan tibo mah,” kato Tuak Bilang.

Bitulah sapagi ko, di lapau simpang, ota soal banjir di Jabodetabek. Ota sabana angek sabab tipi one manyiarkan tarui, indak baranjak mato dari tipi doh. (Malin Kapalo Koto)


Baca Juga :

Berani Komen Itu Baik
To Top