Trending | News | Daerah | Covid-19

Ota Lapau

Lah Obang Ughang?

Dibaca : 278

“Lah obang ughang, ndak tadonga jak tadi doh,” Yuang Pasa batanyo ka Pakiah. Dijawek dek Tembang.

“Olun lai, mik misajik wak lai ndak kanai sensor doh dek kemenag doh,” katoe
Urang kampuang sadang sibuk karjo proyek dana desa. Membuek jalan.

“Baa kok batanyo Pasa, ari alun jam 12 lai,” kato Bilang.

“Batanyo ndak buliah?”

“Tuen Pasa batanyo dek ado surek edaran mantari agamo kabae, suaro azan suaro obang di musajik wak ka diatur dek mamakak tagaduah urang,” kecek Malin.

“Makoe nan didanga jan radio lutuik, nan diatur dek pak mantari tu bunyi nyo. Jan asa mandanguang se. Kresek-kresek,”kecek Tembang.

“Alasan tu mah co tunjuakan ka den dima mik musajik kresek-kresek kini, lah rancak, cuma diakui yo asa pasang se, sahinggo bunyinyo ndak rato,” kecek Guru Salek.

“Tu baa lai?” Tanyo Tembang.

“Nan batua kemenang mambalian mik nan rancak bana bajadi untuk musajik jo musola, tu dipasang dek tim teknis yang santiang ampu balenggek baru mantap,” kato Pasa.

“Suai den, jan jo surek se. Mbuek surek den pandai lo mah” kato Malin

“Bara lo anggarannyo tu gadang mah yuang,” kato Yuang Pasa.

“Ketek tu nyo, utang ka batambah juo, balianlah, pasang sojik wak ciek,” jawek Pakiah.

Dek ota ka ota ari lah bajalan juo, lah tadanga garin azan. Sayuik-sayuik, mendayu, suaro e rancak.

“Sojuak bana suara garin obang, sonang ati den, lah ka musajik wak lai,” kato Pakiah. Dicari Pasa, wee lah ilang. Lah dulu wee pai. Ka musajik?

“Ma Pasa kok lah dulu se nyo?”

“Wee ka jadi imam mah.”**


Baca Juga :

Berani Komen Itu Baik
To Top