Tak ciek juo nan ka elok nagari ko. Ilemu tenggi, pangana kurang. Ari alang bom malatui juo.
Yuang Pasa nan sok tahu masuak lapau langsuang mancirotet co marcun ari rayo.
“Yuang kurangi gas tu stek, siko banyak intel?” kato Ujang Rantau.
“Jang, ang yo marantau tapi dulu. Kini samo se ilemu waknye. Ma intel tu.”
“Caliak lah tipi, jak pagi bom ka bom se. Samak utak den “ kato Yuang Pasa.
“Siko bon nan banyak,” semba Mak Pakiah. Induak samang lapau, Tuan Baralah, galak tasengeng sen
“Apo bon?” Kuriak Batuang menyemba lo
“Jan asa cakau se Kuriak
Bom lai jalai? Di Surabaya nin ha. Kapatang kantua brimob dikapuang dek paja-paja tu. Abih saga tingga ijuak, abih ganta, wee masuak,” Yuang Pasa lah pidato lo liak
Kecek Yuang Pasa nan gilo ka pasa se. Manggaleh indak, stokar oto indak tapi nyo ka pasa tiok sangonyik.
Bom ko keceknyo, dibuek dek teroris. Sakik bana atie ka polisi.
“Wee salingkane, sagalo tak elok. Nyo main bom se. Sakik utak.”
“Jan bom ka bom se Yuang Pasa, ko pupuak, racun ulek untuk lado lah maha pulo. Kok itu angku baanye?”
Angku Malano masuak sambia mambali uduik satangah.
“Karajo surang-surang ado Ngku. Pailah ka ladang, beko nyo senseng kodek dek tek baya baru tahu ha ha ha.” Yang Pasa maluncua kalua lapau. Nyo tagak tapi simpang malompek ka oplet” Rang lapau catat utang lu, baliak pasa bayia.”
” Eee kapunduang. Bom ye, bon iyo lo” Urang lapau batupang dagu se mandanga ciloteh pagi tu. (Malin kapalo Koto)
