Trending | News | Daerah | Covid-19

Ota Lapau

Heptati, Silek Juo nan Kaiyo

Dibaca : 800

Kan iyo juo kecek den tu ha, heptati, silek juo nan ka iyo, guruah di langik, bumi raso ka taban dek honjak, jo langkah ampek menyudahi,” kato Pasa sanjo-sanjo sudah mandi di lapau simpang.

“Apo ko ha abih ubek Pasa?” Jawek Kuriak Batuang.

“Makoe jan dipakai juo talingo kuali jo mato panciang tu. Lai jalai, Jokowi mamaluak Prabowo dek silek dapek madali ameh lo liak di Asean Games?” Kecek Pasa.

“Bilo tu? Ci-inan den mandanga” kato Malin.

“Makoe jan mode di Kuriak, nonton tipi lai, tapi filem India sae.”

Lapau heboh dek galak. Mako bacuritolah Pasa.

“Wak den yo tacangang mancaliak pandukuang Jokowi jo Prabowo bantuak ka kapiang duo dunia ko nyo buek. Urang batandiang pulitik di awan, wee eboh di bumi. Bantuak ka nyo makan wak, padohal awak diadu urang mah,” kato Pasa.

“Yo tu lah, ancak wak ndak sato lai, lah mode anak-anak barabuik kalereng se. Ditarah ndak tararah, ditagah tak tatagah, bak janyo lah nak bi jangkang dek bacirangiak,” kato Bilang.

“Tajadilah silek tu. Pencak silat namoe, batandiang, dapek ameh, Probowo ko kan ketua IPSI, banyak dapek ameh. Ndak dapek aka lai, bapaluakan Jokowi jo Prabowo, padamlah suluah lai, guruah baranti, tanang nagari. Ilang aka paja-paja nan bacakak tadi. Wee bacakak di medsos namoe, ndak jalai dek Kuriak tu doh,”kato Pasa.

“Dek Pasa lai jalai a tu medsos?” Guru salek batanyo.

“Guru aniang, beko batal jadi pe en es baru tau,” kecek Tembang.

“Dek Tembang tarang mah apo tu medsos,” kato Pasa.

“Medsos tu lapau juo, tapi indak ado kapau e. Kalau wak nelpon kan bisa mah. Tipi kan bisa wak caliak mah, walau awak siko. Medsos bitu lo, bisa ngecek-ngecek tapi ditulih,” kato Tembang.

“Dek ang jalehan lo mako ka kalam Tembang. Mode guru tu selah, aniang, ado manfaatnyo,” kato Pasa.
Jak tadi abih dek galak se di lapau ko.

“Intinyo biko ha, seolah-seolah Jokowi jo Prabowo bacakak ampuah sampai bukak baju, batanak an nasi, awak nan di bawah basorak siang malam, mambela, mandukuang. Kini bi tajilantang, apak-apak tu bapaluak-paluak dek gadang ati. Jadi usahlah ba habih ari juo lai bacirangiak. Salasaian se karajo wak surang-surang, antah kok ndak ado karajo,” kato Pasa **


Baca Juga :

Berani Komen Itu Baik
To Top