Trending | News | Daerah | Covid-19

Ota Lapau

Bola Pakai Kamera, Bisa Ndak Tu?

Dibaca : 906

“Baa manuruik Pasa kok diagiah kamera bola kaki untuk piala tu baa nye?” Pakiah batanyo bitu masuak lapau

“Ncak mah, tali gai agiah,” jawek Pasa

“Tapi ancak lo tu, kan acok bola inggok di garis gawang mah, bia nak jan salah wasit,” kecek Malano

“Bueklah dek awak surang-surang,” kecek Pasa.

“Ko serius mah bola pakai kamera, bia cuciang main tu, “ kecek Pakiah.

“Taraso dek den ancak garis gawang agiah lonceng, tapi basi baraninyo ado di bola, kalau babunyi tando masuak mah,” kato Pasa.

“Atau agiah suaro manangih. Kalau nyo nangih tando masuak,” kecek Wan Tengka.

“Taraso dek den kalian lah bi senewen mah,” Pasa manyolang.

“Alah tu, manuruik wak surang-surang sia juara piala dunia ko?” Bilang batanyo

“Juara Jerman,” jawab Tembang.
“Kalau dek den Brazil,” jawek Pasa.

“Den wak yo tuan rumah,” kato Malano

“Barazil lah,” kato Bilang.
“Nan juara Ronaldo,” semba Tuan Baralah

“Ha ha Messi tu namo urang tu mah tuen,” sabuik Tembang.

“Saran den tadi baa? Bola pakai kamera,” Pakiah manyasak.

“Pakiah ko manyasak se. Tapi usul e ebat mah,” sabuik Tembang lo liak.

Manuruik Pakiah lo, kalau bola kaki pakai kamera jalai bola masuak atau indak e.

“Picayolah jo den, saran den ko ebat mah.”

“Salain pakai kamera agiah suaro gai Pakiah. Bitu masuak, bola tu langsuang basorak, gol gol gol,” Pasa manukuak usul.

“Kalau Piala Dunia di Indonesia baru bola pakai kamera tu dipakai,” sabuik Malano

“Bilo?”

“Qatar kan batal mah kaba-e,” kato Malano

“Wak tanyo Pak Jokowi lu,” kato Bilang

“Kalau Indonesia tuan rumah Piala Dunia, dima main-e?” Tembang mamanciang.

“Di Padang,” jawek Pasa.

“Tu PSP jo Semen Padang, panitianyo?” Pakiah berkata.

“Iyes, wasit gai awak juo. Kok yo di Padang den pai,” kato Pakiah.

“Tu bola pakai kamera Pakiah baok?” Kato Pasa.

“Tentulah iya nye bro. Kito mbuek bola bakamera tu, dipatenkan,” kato Pakiah.

“Kalau mantun ladang lado tingga Kiah?” Tanyo Bilang lo.

“Tentulah iya. So pasti. Manga ladang, tuen-tuen sa lapau ko den tingga-an mah.”

“Rang rumah?” Kato Pasa.

“Ha ha ha batal lo bantuaknyo mah bola bakamera kow,” kato Tembang.

“Stek-stek cimeeh. Kok ado beko bola bakamera baa? Sadang sipatu se kini balampu,” kato Pakiah lo.

“Kok ado den dukuang Pakiah ka musajik,” jawek Pasa lom

Nak rang ko sapagi tu ma akuak-akuak dek takantuak sabab tadi malam wee mancaliak Brazil main jo Swiss.
Idola bana di lapau ko Brazil tu ndak pusiang kalah atau manang.
Sabana basorak-sorak. Tagang bantuak adiaknyo nan main bola tu.

“Kacang padi sapiriang, jak tadi den nunggu lai ndak tibo-tibo. Manggaleh ndak koh?” Pasa manapuak meja. Kacang padi tibo, nyo randaman kue bolu ka dalam. Aniang. Wee anok lai. (Malin Kapalo Koto)


Baca Juga :

Berani Komen Itu Baik
To Top