“Kok awak tirulo gaya urang Padang baanye, mambarasian kampuang dari sarok,” kecek Yuang Rantau.
“Ncak!” Jawek Pasa.
“Yo ncak makoe den usul.”
“Baiyolah jo inyiak wali lu” kato Pasa.
“Basupakaik wak lu baru ka inyiak wali,” kato Rantau.
Sarok di kampuang tu mulai dari plastik sabun, asoi, pambungkui jilbab, rinso, karuang pupuak, boto plastik makanan anak-anak, daun pisang sate, sabuik karambia, paruik ikan, kulik jariang, kulik durian, kain panjang cabiak, singlet usang, kukuran karambia patah, kotak minyak obuak, kotak rokok, karton aqua, plastik karupuak palembang bacampakan ka dalam parak. Kok ndak ka parak ka banda kariang atau ka lakang rumah atau ka batang aie.
“Lah bataun-taun alah ba ton-ton sarok tu mah,” tambah Malano.
“Itu makoe den usul e yayai ye,” kecek Rantau.
Rantau, Malano, Pasa, Guru Salek, Kuriak Batuang, Tuak Bilang, Tuan Baralah, Tembang basupakaik goro pakan muko mambarasian kampuang dari sarok. Nan ka malapor ka inyiak wali dipicayoan ka Pasa. Nan ma urus pemuda tugeh Tembang. Nan ma urus induak-induak bini Pasa, si Upiak Manih jo Guru Salek.
“Biati den kampuanh wak barasia,” cek Pasa.
“Jak sari bapadian sae,” kato Rantau.
“Ka muko se lah lai. Nan la lakang jan dikaji,” kecek Bilang.
“Jadi malah!”. (Malin Kapalo Koto)
