Guru Salek, galak manih. Jadi p n s juo wee kasudahannyo. Lowongan lah bukak, tapi jan bini ciek lai.
“Nan babini tantu nan mudo, dek wakden lah jadi pns alah tu,” kato Guru Salek.
“Banyak lowongan guru?”
“Sangaik.”
“Dek ka pemilu ndak?” Tanyo Pasa.
“Sumbaranglah Pasa, baa babaok juo ka pulitik, asa lai anak kamanakan wak bakarajo kan ndak baa gai doh,” kato Malin.
“Den kan sakadar batanyo ye. Yo atau indak, tak lo manyakik dek den doh.”
“Oh bitu, yo lah,” kato Malin
Soal lowongan pns tu atau ce pe en es tu memang galodo bantuak-e, vajadi banyaknyo. Nan mudo-mudo lah manyiapkan berkas-berkas lamaran. Lah rami kantua pos jo depnaker.
“Jadi guru lah langsuang se jadi pns tu?” Batanyo bilang.
“Olun lo lai, lah masak den dek mananti, peluang lai gadang,” kato Guru.
“Kalau lah tarimo suak, salek ilang tingga guru mah ye” kato Tembang. Galak guru salek dibuek e
“Nan ang Tembang kan lai malamar lo?”
“Lai lah amuahe Guru Salek se jadi pns tu.”
“Yo bi ma lamarlah, lah babulu incek mato den mancaliak kalian mah,” kato Pasa.
Bara ari ko yo lah rami anak mudo babenta ka pasa ka kantua polisi ka kantua pos ka depnaker. Sajak dari kantua wali jo kantua camaik laiz bagaduru nak rang tu.
“Ko manggaleh baa nye mode den atau marantau, manga jadi pagawai tu banyak bana induak samang” kato Bilang.
Kanai ariak bilang sapagi tu dek mamatahan pucuak ubi urang juo.
“Tasarah lah, kok bi jadi pegawai sudah ko jan lupo baralek, undang deyen yo,” kato Bilang. Wee pai lai malompek ka oplet, tujuan e ka pasa. Manggaleh **
Baca Juga :
Berani Komen Itu Baik
